Die Durbanville Kinderhuis bied die volgende dienste:

•  Toelating en oriëntering van nuwe kinders;
•  Professionele evaluering van kinders en hul gesinne;
•  Bystand aan kinders met aanpassing by die lewe tuis;
•  Voorsiening en handhawing van 'n veilige en higiëniese ruimte waar
   die kinders welkom kan voel;
•  Voorsiening van gebalanseerde maaltye, klere en persoonlike
   benodigdhede;
•  Voorsiening van basiese gesondheidsorg;
•  Implementering en monitering van gestruktureerde daaglikse roetines
   en reëls;
•  Identifisering van geleenthede en aktiwiteite om elke kind se sterk
   punte te ontwikkel deur deelname aan sport-, kulturele, geestelike en
   lewensvaardigheidsontwikkelingsprogramme.
•  Voorsiening van emosionele steun en terapie aan kinders;
•  Stel kinders in kennis van verwagte gedrag en leer hulle die nodige
   vaardighede om hul omstandighede en probleme die hoof te bied;
•  Leer kinders hoe om klagtes en aanmeldbare voorvalle te hanteer;
•  Stel kinders in staat om formele skool of dagsorg by te woon;
•  Voorsiening van toesig en opleiding aan personeel en vrywilligers;
•  Voorsiening van bewustheidsprogramme aan kinders;
•  Ondersteun en berei kinders en hul gesinne vir vereniging voor;
•  Berei skoolverlaters vir toetrede tot die arbeidsmark voor;
•  Ontleed die behoeftes van die gemeenskap; en
•  Stig netwerke met skole, maatskaplikewerk-agentskappe en ander hulpbronne.

* Hoop, respek en begrip is die drie hoeksteen-waardes waarop hierdie program gegrond is.